ആരാണയാള്‍?എന്നെ വിടാതെ പിന്തുടരുന്നുണ്ട് അയാള്‍.ഇന്നലെ രാത്രി ഇപ്പഴാണ് ഉറങ്ങിയത്?വല്ലാത്ത അവസ്ഥയില്‍ ആയിരുന്നു അയാള്‍.തികച്ചും ഒരു ഭ്രാന്തനെ പോലെ....അയാളുടെ നിലവിളി എന്നെ വല്ലാതെ അസ്വസ്ഥനാക്കി.ഇടയ്ക്കിടെ ഞാന്‍ ഉറക്കം ഞെട്ടി എണീറ്റ്‌ കൊണ്ടിരുന്നു........
എന്തിനാണ് അയാള്‍ ഇങ്ങനെ നിലവിളിക്കുന്നത്.എന്റെ കൂടെ അയാള്‍ എങ്ങനെ വന്നു പെട്ടു?.ഇന്നെന്താ അയാള്‍ ഒന്നും മിണ്ടാതെ?കഷ്ട്ടം അയാള്‍ എന്നേം കൂടി ഭ്രാന്തന്‍ ആക്കും.
സങ്കടവും ദേഷ്യവുമൊക്കെ വരുന്നുണ്ട് എനിക്ക്.തല വല്ലാതെ വേദനിക്കുന്നു,തൊണ്ടയോക്കെ വറ്റി വരണ്ട പോലെ,കണ്ണ് തനിയെ അടഞ്ഞു പോകുന്നു .ഞാന്‍ നിലത്തിരുന്നു,എനിക്ക് അഭിമുഖമായി അയാളും.
ഇപ്പഴാണ് ഞാന്‍ അയാളെ ശരിക്കും കാണുന്നത്.ഞാന്‍ തന്നെയല്ലേ അത്?അല്ലെങ്കില്‍ എന്നെ പോലെ ഒരാള്‍ എന്റെ 'അപരന്‍'?
"കഴിഞ്ഞ രാത്രി മുതല്‍ നിങ്ങള്‍ എന്റെ കൂടെ ഉണ്ട്,എന്തൊക്കെ ആണ് നിങ്ങള്‍ ചെയ്തു കൂട്ടുന്നത്‌?വല്ലാതെ അസ്വസ്ഥന്‍ ആണ് നിങ്ങള്‍.എന്താണ് നിങ്ങള്ക്ക് പറ്റിയത്?എവിടെ നിന്ന് വന്നു നിങ്ങള്‍?എന്തിനു എന്റെ കൂടെ നില്‍ക്കുന്നു ?"ഒരു പിടി ചോദ്യങ്ങള്‍.....
അയാളില്‍ നിന്നും പ്രതികരണം ഇല്ല
"എന്നെ ഭ്രാന്ത് പിടിപ്പിക്കയാണ് നിങ്ങള്‍"
മറുപടി പറയുന്നില്ല .ഇന്ന് നിശബ്ദ്ധന്‍ ആണല്ലോ അയാള്‍. ഇപ്പോള്‍ ഭ്രാന്ത് കാണിക്കുന്നത് ഞാന്‍ ആണ്.എന്റെ കൈകള്‍ വല്ലാതെ വിറയ്ക്കുന്നുണ്ടല്ലോ ..
അയാളില്‍ യാതൊരു ഭാവ മാറ്റവും ഇല്ല.
"ഇനിയും നിങ്ങള്‍ എന്റെ ക്ഷമ പരീക്ഷിക്കരുത്"
ഞാന്‍ ദേഷ്യത്തോടെ അയാളുടെ മേല്‍ ചാടി വീണു.
ഇല്ല എനിക്കയാളെ സ്പര്‍ശിക്കാന്‍ കഴിയുന്നില്ല.എനിക്കെന്താണ് പറ്റിയത്.കഴിഞ്ഞ രാത്രി മുതല്‍ ഞാന്‍ എവിടെയായിരുന്നു?എന്തൊക്കെ ആണ് ചെയ്തു കൂട്ടിയത്?
എന്റെ ചോദ്യങ്ങള്‍ ചോദ്യങ്ങള്‍ ആയി നിലനില്‍ക്കെ ഞാന്‍ പറന്നു പറന്നു പോയ്ക്കൊന്ടെയിരുന്നു ..........എന്റെ അപരനെ അവിടെ ഉപേക്ഷിച്ച്............
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ